Ab! jabki
Posted by roushan on March 29, 2007
(The poem was written by me in last year of graduation, just before exams. We all were planning to leave the town to shape our future with a lot of dreams. We thought we were happy but still something was there in the air, a feel of loosing something………………….whatever!!!)
Ab! jab ki
Kuchh hi dino me hamare rishte
Beete hue samay ki
Meethi si yaad bank ke rah jane ko hain.
Ab! jab ki
Hamari pahchan purani kitabon me sookhe gulab
Ya anayaas hi likhe kuchh shabd dekh
Hothon par aa jane wali
Dard bhari muskan ban kar rah jaane ko hai.
Ab! jab ki
Saari shararaten
Saare sapne
In gujre saalon ki
Saari dilchasp bakwaase
Kuchh bhooli si kahaniyan ban ke rah jane ko hai.
Ab! jab ki
Ham jante hain ki chehron par chipki
Ye muskaane jhoothi hain
Aur aankhon me baras padne ko
Taiyaar hajaron moti hai.
Ab! jab ki
Rat bhar neend nahi aati
Darata hai aane wala kal
Jaagi hui aankho ko
Bache hue palon ko
Kamjor mutthiyon me rokne ki
Bekar koshishe jaari hain.
Ab! jab ki
Jhoothi ummeedon par
Jeene lage hain ham
Bheetar hi bheetar bejar bebas se
Rone lage hain ham.
Ab! jab ki
Uthati hain sawal
Apni hi ungliyan khud par
Aur bheetar chhupa koi
Sambhaalane sawarane ki
Kuchh akhiri koshishon me hai nirantar.
Ab! jab ki
Kuchh hi dino me
Door bahut door hame ho jana hai
Aur fir yaad karke ankahi baato ko
Pachhtana! bas pachhtana hai.
Ab bhi
Hriday me machalta saagar
Hotho se nahi niklega
Hamne bun hi li hain mushkile aisi
Ki koi raasta nahi niklega.
yogesh dutt said
rishte ek
ped ke paaton ki tarah hote hain
dhire dhire
sab toot jate hain
alag alag pare rahte
kahin pas me
yeh ehsas bhi nahi ki
kabhi dono sath the
aur fir hawa chalti hai
dono
bah jate hain
patte nahi sochte
hawa nahi janati…
ped ko to shayad yaad hogi…
Rewa Smriti said
well posted roushan!
Tumhara poem mujhe mere exams time ki yaad dila gayi:)
Yogesh has written a wonderful poem…so I would like to add something here. Abhi-2 likha hai maine:)
duniya ke bheer mei,
kuchh riste tut jaate hein,,
hawa ki sargoshi mein,
simatt jaate hein,
chod jaati ek ehsas matra,
bus kuchh pal ke liye,
rah jati hai ek meethi si yaad,
jise na ham kho sakte hein,
na kal,na aaj aur na aane wala pal!
niharika singh said
So sweet! poem and other two comments. I cant make verses so i am writing simply, no verses.
. but then a sweet poem, which you read and then start smiling without any reason
When i read your latest poem i thought u are turning in to rebel
lage raho sir
Rupali said
Ise hindi me karo na